| یونہی ناشاد کرتا ہے تمہارے ہجر کا موسم |
| ہمیں برباد کرتا ہے تمہارے ہجر کا موسم |
| ہزاروں غم زمانے کے فقط لحظہء فرقت میں |
| نئے ایجاد کرتا ہے تمہارے ہجر کا موسم |
| ستم جو تم اٹھاتے ہو مرے دل کو دکھاتے ہو |
| تمہارے بعد کرتا ہے تمہارے ہجر کا موسم |
| تھما کر ہاتھ میں تیشہ فراتِ اشک بنوائے |
| ہمیں فرہاد کرتا ہے تمہارے ہجر کا موسم |
| ہے عاصم تو اسیرِ غم اسے شہنائیوں میں بھی |
| کہاں آزاد کرتا ہے تمھارے ہجر کا موسم |
معلومات