| جہا ں بھر کے سارے مناظر سے بہتر ہے پر نور منظر مدینہ نبی کا |
| اگر دیکھنا چاہو رضواں کی جنت تو پھر دیکھلو جاکے روضہ نبی کا |
| یہ دعویٰ ہے میرا قسم سے کبھی بھی زلیخا نہ یوسف کی صورت پہ مرتی |
| اگر ہوتی وہ شہر طیبہ کی رانی اگر دیکھ لیتی وہ چہرہ نبی کا |
| کیا قتل پیارے حسین ابن حیدر کو دھو کے سے بلواکے میدان کربل |
| مگر چڑھ کے نیزے پے لیکر کٹا سر تلاوت کیا تھا نواسہ نبی کا |
| ولید اور بو جہل عتبہ نے کیں لاکھ کوشش مٹانے کی دینِ محمد |
| مگر آج بھی باقی ہے دین احمد کبھی بھی کہیں کچھ نہ بگڑا نبی کا |
| کہا اپنے محبوب سے حق تعالی کہ ہر گز ابھی لا تحر ک لسانک |
| خدا کو رحم آگیا جب کہ دیکھا زبان اور منھ لڑکھڑانا نبی کا |
| امیہ کے ظلم و ستم سہتے سہتے بلالِ حبش نے مسلسل کہا یہ |
| مجھے جتنا چاہو ستالو مگر میں ہمیشہ رہوں گا دیوانہ نبی کا |
| وہ شہرِ محبت جہاں مصطفے ہے وہاں میں بھی جا ؤں کبھی چلتے چلتے |
| مقدر کا تارہ چمک جاۓ یونسؔ جو طیبہ سے آۓ بلاوا نبی کا |
معلومات