| درِ مصطفے پر جو آ یا گیا ہے |
| وہ خوش بخت کیا ہی نبھایا گیا ہے |
| گئے ہیں وہی ان کے دربار عالی |
| جنہیں خود وہاں سے بلایا گیا ہے |
| خدا نے کہا جن کو محبوب ان کو |
| سرِ عرش مہماں بنایا گیا ہے |
| پیالہ تھا اک شیر کا دیکھو واللہ |
| کہ ستر کو جس کو پلایا گیا ہے |
| ہوا آب جاری ہے جو انگلیوں سے |
| وہ زم زم سے افضل بتایا گیا ہے |
| نبیِ دو عالم جہاں بھر میں تم سا |
| نہیں دوسرا کوئی بھیجا گیا ہے |
| محبت تمھاری ہے ایمان کا کل |
| ہے قرآن میں یہ بتایا گیا ہے |
| ہے اب ہرگھڑی شاد ذیشان آقا |
| ترے در سے ہی غم مٹایا گیا ہے |
معلومات