| ہم نے آئین کی جو پار کی حد |
| تم لگاؤ گے اختیار کی حد |
| آزمائش کو آگئے ہو پھر |
| تم نے دیکھی نہیں ہے پیار کی حد |
| جان لے لو گے اس سے آگے کیا |
| ہو گی کوئی تمہاری مار کی حد |
| نور اُترا تھا نور پر جیسے |
| ختم اس پر تھی انتشار کی حد |
| کوئی اس تک نہیں پہنچ پایا |
| عرش تک تھی جو میرے یار کی حد |
| سرخرو ہو گیا ہوں اس کے حضور |
| میں نے توڑی نہ اعتبار کی حد |
| پھول سے تو کبھی بھی خوشبو کو |
| روک سکتی نہیں ہے خار کی حد |
| طارق اب جلد وقت آئے گا |
| ختم ہو گی یہ انتظار کی حد |
معلومات