| کوئی شک اِس میں نہیں دیکھیے جناب نہیں |
| بلندیِ شہِ ابرارؐ کا جواب نہیں |
| کلام طور پہ موسیٰؑ کے ساتھ در پردہ |
| تِرے لیے شبِ اسریٰ کوئی حجاب نہیں |
| یہی ہے معنی و مفہومِ آیہِ رحمت |
| مِرے حضورؐ کی رحمت کا کچھ حساب نہیں |
| اُسے قبول کہاں کرتے ہیں خدا و رسولؐ |
| وہ جس کے دل میں ولائے ابو ترابؑ نہیں |
| اُنہیں خدا نے بنایا ہے قاسمؐ و مختارؐ |
| سو مانگنا شہِ والاؐ سے کچھ خراب نہیں |
| تُو شاہدؔ احمدِ مختارؐ کا ہے دیوانہ |
| بروزِ حشر تِرے واسطے عذاب نہیں |
معلومات