| عزت ہے مجھے پیاری رسوائی سے ڈرتا ہوں |
| پھر بھی اے رخِ تاباں تجھ پر ہی میں مرتا ہوں |
| شاید کہ اٹھا دے پھر مے خانے سے اے ساقی |
| سو آنے کی چاہت سے سو بار میں ڈرتا ہوں |
| کیا خوب محبت رنگ لائی ہے تری لیلی |
| انجان سی بستی میں بے گانہ سا پھرتا ہوں |
| اس دورِ جوانی کا کیا حال سناؤں میں |
| گر گر کے سنبھلتا ہوں کیا کیا نہیں کرتا ہوں |
| کس ناز سے پالا تھا اس دل کو مگر شاہؔی |
| اب اس کے سبب ہی میں تنہائی میں کڑھتا ہوں |
معلومات