خرد سے وریٰ دارِ حب کی زمیں ہے |
مگر حب پہ دانش سدا نکتہ چیں ہے |
درِ مصطفیٰ پر جبیں خم اگر ہے |
بھلا ہے گراں اس میں کامل یقیں ہے |
بجا ناز کرتی ہے جنت فلک پر |
عُلیٰ اُس سے بطحا کی یہ سرزمیں ہے |
بڑے شان والے ہیں سلطاں جہاں کے |
مگر داتا سب کا شہے مرسلیں ہے |
لیا فیض ان سے جہاں کی فضا نے |
مگر بردہ ان کا ہی روشن جبیں ہے |
وہ نعمت کے قاسم سدا بانٹیں رحمت |
جو ہیں دنیا میری وہ ہی شاہِ دیں ہے |
عطائے نبی سے دہر بھی ہے کامل |
نہیں کوئی محمود اُن سا نہیں ہے |
معلومات