| حقیقت کچھ نہیں وہم و گماں ہے |
| یہاں تو عشق بھی زورِ بیاں ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ترے لوگوں پہ ٹُوٹی ہے قیامت |
| مرے مالک تو ایسے میں کہاں ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| سِتارے آسماں سے جھانکتے ہیں |
| زمیں پر تیرگی دیکھو جہاں ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| نہیں ہے کوئی ڈر مجھ کو عدو کا |
| بھروسہ دو دلوں کے درمیاں ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہمیں مر مر کے جینا پڑ رہا ہے |
| یہاں تو زندگی اک امتحاں ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| سُنو اِقبال کا شاہین ہوں مَیں |
| مری پرواز سوئے لامکاں ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| نہیں کچھ بھی رہا پہلے سا مانی |
| زمیں بدلی مخالف آسماں ہے |
معلومات