| دیکھو تو رب کے بعد محمدﷺ کا نام ہے |
| کس قدر اونچا رب نے بنایا مقام ہے |
| ہر آن آپﷺ کا ہی مرے لب پہ نام ہے |
| ہر اک زباں پہ جاری درود و سلام ہے |
| کوئی نہ مثل آپﷺ کا ہے کائنات میں |
| سارے جہاں میں آپ ہی خَیرُ الْاَنام ہے |
| اقصیٰ کا ذرہ ذرہ ہے کیف و سرور میں |
| سارے نبی ہیں مقتدی اور وہ امام ہے |
| انﷺ کی رِدائے لطف میں مَکتوم ہے جہاں |
| رحمت بھی ان کی سارے جہانوں میں عام ہے |
| ذکرِ رسولِ پاکﷺ میں حسانؔ مست ہے |
| کیوں کر نہ ہو کہ یہ بھی خدا کا پیام ہے |
معلومات