| جہانوں میں منظر سجے ہیں جو سارے |
| خدا نے بنائے اُسی نے سنوارے |
| یہ تحت الثریٰ سے وہ عرشِ معلیٰ |
| نبی کی ہیں زد میں دہر کے کنارے |
| حسیں شانِ ہستی ہیں محبوبِ داور |
| بنے جن کے خادم مہر چاند تارے |
| دریدہ قمر ہے وہ خورشید پلٹا |
| نبی کے لئے ہیں فلک اور ستارے |
| ہُوا گردوں صامت نبی تھے دنیٰ میں |
| ہیں تابع خدا کے یہ کونین سارے |
| رسل انبیا ہیں جو بھیجے خدا نے |
| حسیں سب سے پیارے نبی ہیں ہمارے |
| نبی وجہہ کن ہیں نبی جانِ ہستی |
| اے محمود دلبر خدا کے دلارے |
معلومات