| ہے جسے معلوم راہِ کربلا اچھی طرح |
| اس کو ہے معلوم جنت کا پتہ اچھی طرح |
| کیا ہے ایمانِ حقیقی، کیا نفاق و کفر ہے |
| سب بتائے گا یہ ذکرِ کربلا اچھی طرح |
| ذکرِ شہؑ میں آنکھ سے آنسو نکلنا ہے دلیل |
| پاک لقمے دے کے ہے پالا گیا اچھی طرح |
| حکم پر جانا ہی ہوگا شہ کے خیموں کی طرف |
| جانتی ہے خوب نہرِ القمہ اچھی طرح |
| ان کی مجبوری ہے یا کہ مصلحت ہے اتحاد |
| قاتلِ زہرا ہے جب ان کو پتہ اچھی طرح |
| مانگنے سے پہلے ملتا ہے درِ شبیرؑ سے |
| جانتے ہیں ہو وہ ہمارا مدعا اچھی طرح |
| مرثیوں کے ناقدوں سے دیکھا روزِ حساب |
| پوچھا جائےگا ردیف قافیہ اچھی طرح |
| رہبروں کے بھیس میں کچھ راہزن ہیں قوم میں |
| دیکھنا ہو جس کو بھی تم دیکھنا اچھی طرح |
| دل ہو خوش جب مدحتِ آلِ پیمبرؑ میں ظہیر |
| اپنی ماں کے حق میں تم کرنا دعا اچھی طرح |
معلومات