| عشقِ نبی سے حاصل عرفانِ بندگی ہے |
| فیضِ نبی میں آتی قادر سے دوستی ہے |
| ارفع کئے خدا نے درجے حبیب کے سب |
| دیتی ضیا نبی کی تاروں کو روشنی ہے |
| کوئی جمیل اُن سا پیدا نہیں نہ ہو گا |
| پھیلی دہر میں ہر جا ہادی سے روشنی ہے |
| خیراتِ مصطفیٰ سے سلطان تاج ور ہیں |
| نعلِ نبی کے نیچے باندی سکندری ہے |
| مومن شکر خدا کا امت نبی میں آئے |
| فضلِ خدا سے حاصل بندوں کو یہ خوشی ہے |
| قوسین میں بلائے صَلِّے عَلیٰ خدا نے |
| کس کو ملی جہاں میں اُن سے برابری ہے |
| قادر کو قدرتیں ہیں کرتا ہے جو وہ چاہے |
| دانِ نبی سے دے دی ہستی کو زندگی ہے |
| محمود خیر اُن سے سارا جہاں ہے لیتا |
| ممنون کل دہر ہے آقا بڑا غنی ہے |
معلومات