| شہر سنسان ہو گیا ہو گا |
| کتنا نقصان ہو گیا ہو گا |
| ۔۔۔۔۔۔۔۔۔۔۔۔۔۔۔۔۔۔۔ |
| سب کے لہجوں میں اس طرح گُھل کر |
| سب کی پہچان ہو گیا ہو گا |
| ۔۔۔۔۔۔۔۔۔۔۔۔۔۔۔۔۔۔۔ |
| چھا گیا ہو گا سب دلوں پر وہ |
| سب کی ہی جان ہو گیا ہو گا |
| ۔۔۔۔۔۔۔۔۔۔۔۔۔۔۔۔۔۔۔ |
| شہر میں دیکھ تیرے آنے سے |
| گاؤں ویران ہو گیا ہو گا |
| ۔۔۔۔۔۔۔۔۔۔۔۔۔۔۔۔۔۔۔ |
| آ گئی ہے جو رُت اداسی کی |
| خالی گلدان ہو گیا ہو گا |
| ۔۔۔۔۔۔۔۔۔۔۔۔۔۔۔۔۔۔۔ |
| راہِ حق میں بہا کے خوں اپنا |
| قوم کی شان ہو گیا ہو گا |
| ۔۔۔۔۔۔۔۔۔۔۔۔۔۔۔۔۔۔۔ |
| ایک قطرہ جسے سمجھتے ہو |
| اب وہ طوفان ہو گیا ہو گا |
| ۔۔۔۔۔۔۔۔۔۔۔۔۔۔۔۔۔۔۔ |
| گھر کا مالک جسے بنایا تھا |
| اب وہ مہمان ہو گیا ہو گا |
| ۔۔۔۔۔۔۔۔۔۔۔۔۔۔۔۔۔۔۔ |
| ڈھونڈتا ہوگا وہ مجھے مانی |
| وہ پریشان ہو گیا ہو گا |
معلومات