| نہ عزّت نہ دولت نہ شہرت ہے پیاری |
| اطاعت خلافت کی ہے سب پہ بھاری |
| عزیز اپنے عَہدوں کی ہے پاسداری |
| نبھائیں گے بیعت کی ہم ذمّہ داری |
| خلافت کا مطلب اطاعت گزاری |
| ہماری خلافت پہ ہے جان واری |
| خلافت ہے نعمت خلافت سے برکت |
| خلافت کو خود لائے کس میں یہ طاقت |
| عطا کی خدا نے مسیحا کو دولت |
| کسی اور کو ہے کہاں استطاعت |
| خدا نے خلافت کی نعمت اتاری |
| ہماری خلافت پہ ہے جان واری |
| خلافت سے ملتی ہے جو رہنمائی |
| ہماری خدا سے کرے آشنائی |
| کسی اور نے کب یہ نعمت ہے پائی |
| کرے کیسے کوئی بھلا بے وفائی |
| یہ ہر دم ہے عرفاں کی اک نہر جاری |
| ہماری خلافت پہ ہے جان واری |
| دم اس کی محبّت کا بھرتے رہیں گے |
| ہمیشہ اطاعت بھی کرتے رہیں گے |
| قدم اپنے آگے ہی بڑھتے رہیں گے |
| خلافت کے پیچھے ہی چلتے رہیں گے |
| خلیفہ کے ہم ہیں خلافت ہماری |
| ہماری خلافت پہ ہے جان واری |
| حفاظت کا کندھوں پہ ہے بوجھ بھاری |
| اٹھائیں گے پر شوق سے ذمّہ داری |
| خلامت نے قسمت ہے اپنی سنواری |
| ہے فرض اس کی چاہت میں ہو جاں نثاری |
| خلافت ہمیں جان سے بھی ہے پیاری |
| ہماری خلافت پہ ہے جان واری |
معلومات