نبی میرے آقا ہیں دلدار ہیں |
وہ ساقیِ کوثر ہیں مختار ہیں |
یہ والیِ ہستی سخی دلربا |
سدا حالِ دل سے خبر دار ہیں |
سجائیں دہر کے مقدر بھی آپ |
جو سلطانِ ہستی جو سرکار ہیں |
صفِ انبیا کے بنے ہیں امام |
حسیں سب رسولوں میں سالار ہیں |
حبیبی سخی ہیں نبی مصطفیٰ |
ملے جن کو مولا سے سنسار ہیں |
ہیں جبریل خود اُن کے دربانوں میں |
گہر بار رکھتے وہ دربار ہیں |
نبی کے قدم سے چَھٹی ظلمتیں |
فروزاں انہی سے یہ انوار ہیں |
انیسِ غریباں نبی مصطفیٰ |
بڑے اعلیٰ دلبر کے کردار ہیں |
ہیں بہرِ شفاعت نبی شاہِ دیں |
جو محشر میں بھی کل مدد گار ہیں |
درِ مصطفیٰ ہے دلی آرزو |
کہاں میرے دیگر سروکار ہیں |
عجب ہے سخائے نبی کا جہاں |
جسے مانگنے والے درکار ہیں |
نظر ہو کریمی عطا کی نظر |
کرم تیرے کے ہم طلب گار ہیں |
اے محمود اُن سے انہیں مانگ لے |
جہانِ عطا کے وہ سردار ہیں |
معلومات