| ہیں سارے رسولوں کے سلطان مدینے میں |
| یعنی ہیں مرا دین و ایمان مدینے میں |
| اے کاش اڑا لے چل تو مجھ کو مدینے میں |
| ہے میرا بھی جانے کا ارمان مدینے میں |
| جانے سے مدینے میں تقدیر سنورتی ہے |
| سرکار کا جاری ہے فیضان مدینے میں |
| سوچوں تو مدینہ ہے بولوں تو مدینہ ہے |
| واللہ مرا رہتا ہے بس دھیان مدینے میں |
| جو رنج کے مارے ہیں وہ لوگ چلیں طیبہ |
| تسکین کا ملتا ہے سامان مدینے میں |
| ان لوگوں کی قسمت تو معراج ہی کرلی ہے |
| جو لوگ گزارے ہیں رمضان مدینے میں |
| سرکار اگر رکھ لیں یہ ان کا کرم ہوگا |
| ورنہ رہے یونسؔ سا عصیان مدینے میں |
معلومات