| جہان کل کی زیبائی مرے سرکار ؐ کے صدقے |
| گلستاں کی ہے رعنائی مرے سرکار ؐ کے صدقے |
| منور چاند سورج ہوگئے ہیں آپ ؐ کے دم سے |
| "ستاروں نے ضیا پائی مرے سرکار ؐ کے صدقے" |
| چمن پاکیزہ خوشبو پھیلی ہے ہر سو فضاؤں میں |
| ہوا ہر کوئی شیدائی مرے سرکار ؐ کے صدقے |
| بہار رنگ چھایا ہے چمن کے گوشہ گوشہ میں |
| مہک پھولوں میں بھر آئی مرے سرکار ؐ کے صدقے |
| نچھاور ہے دل و جاں سرور کونین ؐ پر اپنی |
| ہیں عقبی کے تمنائی مرے سرکار ؐ کے صدقے |
| وساطت شافع محشر ؐ کی ناصؔر ہو مقدر میں |
| ارم میں ہوگی اونچائی مرے سرکار ؐ کے صدقے |
معلومات