اپنے دامن کو پسارے مانگتا ہوں میں دعا |
مالکِ روزِ جزا سے کر رہا ہوں التجا |
مغفرت ہو جائے ہے فریاد تجھ سے عاصی کی |
پار بیڑا کر دے طوفاں سے یہی ہے بس صدا |
قلب کو ایمان سے بھر دے ہمارے اے خدا |
موت تک ثابت قدم فرمائیو، کر دیں عطا |
تُو اگر ناراض ہو جائے تو سب بیکار ہے |
رہنا یا رحمٰن ہم سے اس لئے تُو نا خفا |
ذکر کی توفیق دے، قرآن سے بھی انس دے |
چین مل جائے مقدر میں رہے شامل رضا |
پھیلی ہیں جتنی وبائیں، سب کرم سے دور ہوں |
مختلف بیماریوں سے دے مریضوں کو شفا |
فکریں ناصؔر دل میں ہو بھرپور امت کی بسی |
دین کی محنت سے جوڑے رکھیو ہم سب کو سدا |
معلومات