| ہماری زندگی سے ایک حیرانی نہیں جاتی |
| شرابیں پی کے کہتے ہیں مسلمانی نہیں جاتی |
| حسینوں پر جمی نظریں گرانا بھول جاتا ہے |
| دلِ ناداں کی یہ کمبخت نادانی نہیں جاتی |
| میں اکثر بھول جاتا ہوں گئے ماضی کے اچھے دن |
| ہمیشہ کی یہی میری پریشانی نہیں جاتی |
| جسے بس دیکھ کر ہی تم خوشی سے جھوم اٹھتے تھے |
| تمہیں کیوں اب مری صورت یہ پہچانی نہیں جاتی |
| یہاں ہر سمت ہے حسانؔ، فتنہ حسن والوں کے |
| دلِ بیمار کی اب سوز و سامانی نہیں جاتی |
معلومات