| صرف تو اے خدا میرا معبود ہے |
| صرف کعبہ ترا میرا مسجود ہے |
| تو نے پیدا کیا بندگی کے لئے |
| زندگی کا یہی ایک مقصود ہے |
| زندگی میں مرا کوئی قول و عمل |
| گر نہ ہو تیری خاطر تو بے سود ہے |
| ہر مکاں میں ہے تو لا مکاں میں ہے تو |
| بن دکھے ہر طرف تو بھی موجود ہے |
| نور ہی نور تو نورِ ارض و سماں |
| عالمِ رنگ و بو میں تو مشہود ہے |
| تو احد ہے صمد ہے تو بے مثل ہے |
| تو نہ والد کسی کا نہ مولود ہے |
| تو ازل تو ابد تو ہے سب سے بڑا |
| تیری ہر اک صفت غیر محدود ہے |
معلومات