| خوف کھاتا ہے جہاں جس سے وہ انداز ہے تو |
| میرے معصوم سپاہی مرا اعزاز ہے تو |
| تیرے سینے میں نہاں آتش و انگار و دھواں |
| تیری آنکھوں میں اترتا ہوا بے باک لہو |
| عہدِ طفلی میں ہے جو صورتِ پُر جوش جواں |
| یوں گماں ہوتا ہے دنیا کے لیے آگ ہے تو |
| تن بہ تقدیر تری ذات مسلماں کا شعار |
| دشمنِ دیں کے لیے شورش و یلغار ہے تو |
| تیری بے باک طبیعت ، تری جرأت پے نثار |
| ہاتھ بے زور سہی ، بر سرِ پیکار ہے تو |
| میں نہ بھولوں گا کبھی تجھ پہ جو افتاد پڑی |
| ترے ہر زخم پہ تڑپی ہے مری روح و بدن |
| آج پھر سے دلِ مضطر کو تری یاد پڑی |
| جیسے بجلی گری مجھ پر کوئی اعصاب شکن |
| ان کی دہشت سے دلاؤں گا میں دنیا کو خلاص |
| بن کے قہَّار ، زمانے کے خداؤں کے لیے |
| مجھ پہ واجب ہے ہر اک طفلِ فلسطیں کا قصاص |
| میری ہر سانس فلسطین کی ماؤں کے لیے |
| اک نئے دورِ فلسطین کا آغاز ہے تو |
| میرے معصوم سپاہی مرا اعزاز ہے تو |
معلومات