| خود کو اچھی نظر سے دیکھیں گے |
| عرّتِ نفس ہم بھی سیکھیں گے |
| اپنا ہے احترام مدِّ نظر |
| آج سے خود کو ہم سنبھالیں گے |
| لوگ کیسے کریں گے عزّت جب |
| ہم ہی خود کو اگر نہ چاہیں گے |
| فیصلہ کر لیا ہے آج کے بعد |
| میں نہیں خود کو ہم پکاریں گے |
| عاجزی انکسار ہے خوبی |
| ہم اسے تو کبھی نہ چھوڑیں گے |
| ہاں جھکیں گے اسی کے آگے ہم |
| اپنا رشتہ خدا سے باندھیں گے |
| اے خدا ہم ہیں جب ترے بندے |
| عزّتیں ساری تجھ سے مانگیں گے |
| جھولیاں خالی کیسے لے جائیں |
| لوگ طعنے ہمیں نہ کیا دیں گے |
| تیرے در کے فقیر ہیں مولا |
| تیرے در سے نہ سر اٹھائیں گے |
| ہم کو بخشش کی آپ سے امید |
| آپ ہم کو معاف کر دیں گے |
| طارق اک بار پیار مانگیں تو |
| کب وہ انکار ہم کو کر دیں گے |
معلومات