| زہرا کے گلستاں کی گلِ تر ہے سکینہؑ |
| جان و جگرِ حیدرِ سفدر ہے سکینہ |
| کمسن ہے مگر اتنی قداور ہے سکینہ ؔ |
| مریمؑ ہیں جہاں بوند سمندر ہے سکینہؑ |
| کیا اس میں سمائے کہ میری فکر ہے کوزہ |
| اور ذکر ترا ایک سمندر ہے سکینہ |
| ہم خان نشینوں سے تیرا ذکر ہو کیونکر |
| کونینِ فضیلت کا تو عنبر ہے سکینہؑ |
| جد بابا چچا بھائی بھتیجا تیرا معصوم |
| عصمت کے شجر کا تو گلِ تر ہے سکینہ |
| قرآن کے سورے ہوں کہ احکامِ شریعت |
| اسباق بلاغت ہوں کہ قرآن کے احکام |
| ملتے ہیں جہاں سے وہ تیرا گھر ہے سکینہ |
| گہوارے میں رہتے ہوئے سکھلا دیا چلنا |
| اسلام کو جس نے تیرا اصغر ہے سکینہ |
| شبیر ہیں اسلام کے مقصد کے محافظ |
| شبیرؑ کے مقصد کی پیمبر ہیں سکینہؑ |
| اس دل کو بھلا کیا غمِ دنیا سے سروکار |
| غم آپ کا جس سینے کے اندر ہے سکینہؑ |
معلومات