| قلب مجروح سر دست سجائے ہوئے ہم |
| بزم میں آئے ہیں سر اپنا اٹھائے ہوئے ہم |
| آج چہرے کی خوشی دیکھ کے خوش ہیں سارے |
| کون کہتا ہے کہ ہیں غم کے ستائے ہوئے ہم |
| رونقیں اس کو لگیں اور کہیں کی اچھی |
| منتظر بیٹھے تھے اس دل کو جلائے ہوئے ہم |
| تھا کبھی آبلہ پائی کا بھی اعزاز ہمیں |
| اور اب تخت حکومت پہ بٹھائے ہوئ ہم |
| آج صحراؤں کی زینت میں گنے جاتے ہیں |
| جاہ و حشمت کو کہیں چھوڑ کے آئے ہوئے ہم |
| وقت لے کے جسے ملنے کے لئے آئے ہو |
| ہیں وہی آپ کی چوکھٹ سے بھگائے ہوئے ہم |
| یوں زمانے کو میسر ہیں با آسانی بھی |
| اور پھر آپ کے بھی ہاتھ نہ آئے ہم |
| کتنی آنکھوں سے کبھی صاف کئے تھے آنسو |
| اور اب اپنے لہو میں ہی نہائے ہوئے ہم |
معلومات