دل میں یادوں کے دیے جلتے رہے ہیں
اشک آنکھوں سے سدا ڈھلتے رہے ہیں
زندگی کی راہ آساں تو نہیں ہے
حادثے ہر موڑ پر ٹلتے رہے ہیں
چپ رہو، یہ وقت کہتا ہے مسلسل
درد کے طوفاں مگر پلتے رہے ہیں
رات گہری ہے، اندھیرا چار جانب
سائے ماضی کے مگر ڈھلتے رہے ہیں
راہِ الفت میں قدم رکھنا کٹھن تھا
ہم مگر ہر حال میں چلتے رہے ہیں
آج رستوں میں عجب سی تازگی ہے
کس کے آنے کے پتے ملتے رہے ہیں
عشق میں جو لوگ خود کو ہار بیٹھے
خاک ہو کر بھی وہی پھلتے رہے ہیں
وقت کی آندھی میں بھی عادلؔ ہمیشہ
شمع بن کر رات بھر گلتے رہے ہیں

0
5