| نوجواں! مغربی انداز و تفکر سے نکل |
| طرز اغیار پسندی کے تسخر سے نکل |
| صاحب ظرف کبھی اپنے تکبر سے نکل |
| "پیکر ناز کبھی ذات کے پتھر سے نکل" |
| بے حسی، بے بسی، بے ہودگی سے ناطہ توڑ |
| ذلت وخواری کے ارذل سے تصور سے نکل |
| جچتی حلقہ بگوشی نہیں فطرت کو ترے |
| طوق محکومی کے بھڑکائے تنور سے نکل |
| ہے مناسب یہی ہو انس ومحبت دل میں |
| باہمی توڑ کے نقصان و تضرر سے نکل |
| تو جہالت سے نکل، فن میں مہارت کو دکھا |
| عصر حاضر کے چکاچوند، تحیر سے نکل |
| نامرادی نہ پنپنے کبھی پائے ناصؔر |
| من میں ارمان رہے، یاس و تحسر سے نکل |
معلومات