| اس نے ہر رنگ کے دربار سجا رکھے ہیں |
| ان میں ہر قِسم کے فنکار بٹھا رکھے ہیں |
| قابلیت کا یہاں لفظ تو رائج ہی نہیں |
| اس نے کچھ اور ہی معیار بنا رکھے ہیں |
| شہر کی اس کو خبر رہتی ہے لمحہ لمحہ |
| ہر جگہ اپنے وفادار بٹھا رکھے ہیں |
| لوٹ لیتا ہے وہ ہر بار خدا کی خاطر |
| اس نے ہر طرح کے تیار خدا رکھے ہیں |
| اپنے لوگوں پہ ہی شب خون ہمیشہ سے کیا |
| اپنی مرضی کے ہی سالار لگا رکھے ہیں |
| جان لیتا ہے ہماری وہ وطن کی خاطر |
| دشمنوں میں بھی بہت یار بنا رکھے ہیں |
معلومات