| پیارے نبی سے ملتا ہے شجرہ حسین کا |
| مولا علی کا عکس ہے جذبہ حسین کا |
| عزم و وفا کا باب ہے کربل کی سرزمیں |
| سوۓ مدینہ جاتا ہے رستہ حسین کا |
| آقا نے ان کے واسطے سجدہ کیا طویل |
| کتنا بلند دوستو رتبہ حسین کا |
| کربل ہمارے واسطے اب بھی ہے معتبر |
| کربل میں اب بھی نقش ہے سجدہ حسین کا |
| اعداۓ اہلِ بیت کے گل ہو گئے چراغ |
| بجتا ہے اب بھی دہر میں ڈنکا حسین کا |
| مجھ کو کسی یزید کا ڈر ہی نہیں رہا |
| جب سے ہوا ہوں یار میں شیدا حسین کا |
| جاہ و جلال اپنا کسی اور کو بتاۓ |
| ڈرتا نہیں یزید سے جوتا حسین کا |
| پانی بھی بند کردیا ظالم نے آل پر |
| پھر بھی دبا نہ پایا وہ جذبہ حسین کا |
| طالب پہ خاص ان کی عنایت ہوئی جو آج |
| طالب نے لکھا دل سے قصیدہ حسین کا |
معلومات