| جب مرا شہر مصیبت میں گھِرا ہوتا ہے |
| اک منافق کہیں سجدے میں گِرا ہوتا ہے |
| جب بھی ظلمات سے بستی اے خدا روتی ہے |
| عرش پر بیٹھ کے تو دیکھ رہا ہوتا ہے |
| تیری جنت کا تصور نہیں ممکن اے خدا |
| سوچنے والوں کے سینے میں خلا ہوتا ہے |
| کھیت میں کام کراتا ہے جو دہقانوں سے |
| گاؤں کے لوگوں میں سردار بڑا ہوتا ہے |
| مجھ کو تنہائی میں احساس یہی رہتا ہے |
| پیچھے سے کوئی مجھے دیکھ رہا ہوتا ہے |
| میرے کمرے میں دو ہی چیزیں ہیں سالوں سے رکھی |
| ایک میں ایک مرا خواب پڑا ہوتا ہے |
معلومات