| جس نور کو رب نے پیدا کیا |
| وہ نور خدا کا عشق بنا |
| وہ نور ہے کرسی عرش بنا |
| اُس نور سے دیگر فرش بنا |
| اس نور سے فیضِ عام چلا |
| ہر کس کو لطفِ عام ملا |
| کونین نے پہلا سانس لیا |
| ادراک کو ظرفِ خاص دیا |
| اُس نور سے پرتو نور ہوا |
| اُس نور سے ظالم چُور ہوا |
| یہ کرم خدا نے عام کیا |
| مخلوق نے رب پہچان لیا |
| وہ نور تجلیٰ طور بنا |
| اُس نور پہ ہر دم صلّے علیٰ |
| اُس نور سے ہے یہ پر چھائی |
| ہے جان جو ہستی میں آئی |
| اُس نور سے روشن عالم ہے |
| اُس نور سے گلشن سالم ہے |
| اُس نور سے چمکیں نجم بدر |
| اُس نور سے دمکیں شہر نگر |
| اُس نور کو دیکھا تارے میں |
| جبریل نے خاص نظارے میں |
| وہ دیکھا نور پیارے نے |
| جنت سے باپ ہمارے نے |
| اُس نور سے جب سوغات بٹی |
| پھر خلق سے کالی رات چھٹی |
| اُس نور سے تارے جاگ گئے |
| ظلمات دہر سے بھاگ گئے |
| وہ نور چمک ہے تاروں میں |
| وہ نور دمک سیاروں میں |
| اس نور سے گردش ساروں میں |
| ان چندہ مہر اور تاروں میں |
| وہ نور ہے رنگ بہاروں میں |
| وہ نور ہے سبزہ زاروں میں |
| اس نور سے لعل ہیں غاروں میں |
| وہ نور ہے بحر کناروں میں |
| اس نور سے عام پسارا ہے |
| اس نور سے سانس ہمارا ہے |
| اس نور پہ قرباں جان و جگر |
| اس نور کو نذر یہ مہر و قمر |
| اُس نور نے بدر و حنین کیا |
| اُس نور سے صبر حسین جِلا |
| اس نور سے صادر حق و یقیں |
| اس نور کے درباں روحِ امیں |
| اُس نور سے سبزہ زار بنے |
| اُس نور سے گل گلزار بنے |
| اُس نور سے شبنم کول بنے |
| اُس نور سے تازہ پھول بنے |
| اُس نور سے عرض و طول بنے |
| اُس نور سے غازہ دھول بنے |
| اُس نور سے قابا قوس بنے |
| اُس نور سے ہے فردوس بنے |
| اُس نور سے صبح و شام بنے |
| اُس نور سے سارے کام بنے |
| اُس نور سے خام و تام بنے |
| اُس نور سے خاص و عام بنے |
| اُس نور سے ابر تمام بنے |
| اُس نور سے سارے یام بنے |
| اُس نور سے دہر دیار بنے |
| اُس نور سے سب سنسار بنے |
| اُس نور سے یہ کہسار بنے |
| اُس نور سے ہی اغیار بنے |
| اُس نور سے ہی افکار بنے |
| اُس نور سے ہی کردار بنے |
| محمود گلوں کے ہار بنے |
| باغیچے گل گلزار بنے |
معلومات