خدا کو توبہ کی جھوٹی زبان دے رہے ہیں |
نماز پڑھنی نہیں اور اذان دے رہے ہیں |
دہاڑی باز ہیں کوئی شہید وید نہیں |
ہمارے واسطے جتنے بھی جان دے رہے ہیں |
کسی کو کچھ نہیں معلوم مسئلہ کیا ہے |
سبھی مباحثے کا امتحان دے رہے ہیں |
کہیں تو کیا کہیں اب ایسے پارساؤں کو |
خطا کسی کی کسی کو لگان دے رہے ہیں |
ضرور ان کو کوئی خاص کام ہے مجھ سے |
یہ دوست جو مرے حق میں بیان دے رہے ہیں |
عجیب لوگ ہیں اپنوں سے بے خبر ہیں کلیم |
عجیب لوگ ہیں غیروں پہ دھیان دے رہے ہیں |
معلومات