| کیا ہے جو بھی ارادہ کبھی دعا کر کے |
| خدا نے کر دیا پورا اسے دَیا کر کے |
| ہمارے حوصلے دیکھے ہیں اک زمانے نے |
| کوئی ہرا نہیں پایا ستم روا کر کے |
| کہو جو مذہبِ اسلام سے ہیں یہ باہر |
| رہو گے کیسے مسلماں ہمیں جُدا کرکے |
| طلوعِ صبح ہوئی ہے تو آنکھ بند کریں |
| ہے رات جب کہ گزاری خدا خدا کر کے |
| ہے وقت آ گیا کب آئے گا امامِ زماں |
| پکارتے تھے یہی لوگ التجا کر کے |
| جو آ گیا ہے تو انکار پر بضد ہیں کیوں |
| عجب نہیں ہے یہ سوچو کوئی خدا کر کے |
| بہت سے اُس پہ ہیں تیّار جاں لُٹانے کو |
| ہیں کتنے ایسے جو بیٹھے ہیں جاں فدا کر کے |
| لُٹا کے بیٹھا ہے دل اُس کے در پہ ہی طارق |
| خوشی ہے اس کو یہ اظہار برملا کر کے |
معلومات