| میرے ساتھ چل میرے ہمنوا |
| کوئی ایسی بستی ڈھونڈنے |
| جہاں غم کا کوئی نشاں نہ ہو |
| جہاں دکھ کا سورج عیاں نہ ہو |
| جہاں لوگ اکٹھے بیٹھ کر |
| یاشیشم کی چھاؤں لیٹ کر |
| کریں گفتگو سب پیار کی |
| یا دلجمی بیمارکی |
| یا رہبری لاچار کی |
| چل ڈھونڈھ لیں میرے ہم نفس |
| ایسی نئی ڈگر جہاں رات دن |
| ہر سمت خوشی کا ظہور ہو |
| جہاں محبتوں کا ہی نور ہو |
| جہاں ستم کا سورج طلوع نہ ہو |
| جہاں کوئی کسی کا عدو نہ ہو |
| جہاں مل بانٹ کھائیں سب کے سب |
| پھل، سبزی اناج و کمائی کسب |
| جہاں شیر و خرمہ بے دام ہو |
| جہاں بھوک کے منہ پر لگام ہو |
| جہاں بے گناہی کا خوں نہ ہو |
| جہاں حوا کی بالی فسوں نہ ہو |
| جہاں کسی کی کھیتی تباہ نہ ہو |
| جہاں کوئی حاکم خدا نہ ہو |
| میرا ساتھ دو میرے ہمنوا |
| میرے چارہ گر تجھے کیاہوا |
| میرے ساتھ کیوں نہیں بولتا |
| تیری چپ نے مجھ کو رلا دیا |
| سب حال دل کا سنا دیا |
| کہ |
| یہ نئی رتوں کا ہی دور ہے |
| یہاں سکھ کا ملنا محال ہے |
| یہاں نفرتوں کو عروج ہے |
| یہاں محبتوں کو زوال ہے |
معلومات