| مرا سکون چھین کر |
| رہا جو میری ذات میں |
| نہ وہ کبھی جدا ہوا |
| نہ آ سکا حیات میں |
| دعا بھی اس کے نام کی |
| گلہ بھی اس کے نام کا |
| یہی تو فرق رہ گیا |
| مری تمام بات میں |
| وہ اپنے نقش چھوڑ کر |
| گزر گیا کچھ اس طرح |
| مہک بسی رہی سدا |
| بچھڑ کے میری ذات میں |
| کبھی دعا کی شکل میں |
| کبھی کسی ملال میں |
| وہ ہر گھڑی بسا رہا |
| مری ہی کائنات میں |
| نہ اس نے کچھ کہا کبھی |
| نہ میں ہی کہہ سکا اسے |
| یہ عمر یوں ہی ڈھل گئی |
| دلوں کی واردات میں |
| میں اپنی ذات اوڑھ کر |
| بہت دنوں جیا مگر |
| مجھے وہ لوٹ لوٹ کر |
| ملا مری ہی ذات میں |
معلومات