| سخی آقا کرم کرنا ندا گر ہے گدا تیرا |
| سخا باندی سدا تیری خزانہ ہے بھرا تیرا |
| تو قاسم فضلِ باری کا سخاوت میں تو یکتا ہے |
| تو داتا دو جہاں کا ہے سدا در ہے کھلا تیرا |
| لٹائیں جس جگہ جائیں خدا کی رحمتیں آقا |
| ہیں فریادی جہاں آتے وہ دربارِ سخا تیرا |
| ملی سانسیں شہا تجھ سے جہانِ کن میں ہستی کو |
| جو دیتا فیض ہے جاں کو اے جاں وہ حوصلہ تیرا |
| جہانِ عشق و مستی میں رہا نورِ مبیں اول |
| بنی کوثر شہا تیری ہے جنت دو سریٰ تیرا |
| جو لا فانی خلق میں ہے کریمی فیض تیرا ہے |
| ہوا ہو گا ہے سب تیرا جنابِ کبریا تیرا |
| نبی کا تھا جو گزرا ہے نبی کا ہے جو کل ہو گا |
| زمانہ کل جو تیرا تھا زمانہ ہے سدا تیرا |
| جو حیرت میں خرد آئی بتائے کیسے کوئی یوں |
| حبیبی کبریا تیرا خدایا مصطفیٰ تیرا |
| کہاں محمود تجھ کو دل بتائے راز سب اپنے |
| تو داماں تار رکھتا ہے عدو شیطاں ہوا تیرا |
معلومات