| چوں کہ نائب مصطفیٰ ہے مقتدائے کربلا |
| اتباعِ مصطفیٰ ہے اقتدائے کربلا |
| ہے مدینے کی فضا بے شک فضائے کربلا |
| "تا قیامت یہ بتائے گی ندائے کربلا" |
| جان کو قربان کرنے کے لئے یہ ہے بہت |
| جانشینِ مصطفیٰ ہے پیشوائے کربلا |
| جانئے ایمان اپنا اس گھڑی محفوظ ہے |
| یاد جب آئے مدینہ یاد آئے کربلا |
| تازہ رکھنے اپنا ایماں ہر طرح ہر حال میں |
| قلبِ مؤمن کو ہے از بس ولولائے کربلا |
| حضرتِ شبیر پر سب کچھ نچھاور وہ کرے |
| جان لے گا اصل میں جو مقتضائے کربلا |
| فاطمہ زہرا کا وعدہ ہر طرح پورا ہوا |
| آزما کر ہر بلا، ہاری بلائے کربلا |
| درد و رنج و حزن تو اس شخص کو محسوس ہو |
| جب جگر گوشوں پہ کوئی آزمائے کربلا |
| غم حسینِ پاک کا ہرگز ذکیؔ نہ ختم ہو |
| جاویداں رحمت لقب ہیں مبتلائے کربلا |
معلومات