| اس کی وفا وہ داستانِ صد جفا کس سے کہوں |
| گزرے ہیں دل پر رنج کیا کیا اے خدا کس سے کہوں |
| کب جل گیا ہے گلشنِ دل کب بجھی آنکھیں مری |
| سوزِ نہاں کی کب ہوئی ہے ابتدا کس سے کہوں |
| میری جوانی کیا ہوئی وہ ہجر کا غم کیا ہوا |
| وہ عشق کا افسانہ آخر کیا ہوا کس سے کہوں |
| کس نے لگائی آگ خوابوں کے گلستاں کو یہاں |
| کس نے کِیا پھر یہ فسادِ جاں بپا کس سے کہوں |
| سب لوگ سمجھے تھے کہ میں اپنے لیے روتا تھا تب |
| لیکن حقیقت میں تھا کیا وہ مَسْئَلَہ کس سے کہوں |
| ہر موڑ پر ٹھہرے، مگر مڑ کے نہیں دیکھا کبھی |
| یہ بے بسی، یہ بے کسی، حالِ وفا کس سے کہوں |
| خاموش ہیں لب اور نظر بس دیکھتی رہتی ہے اب |
| ہر بات دل کی ہو گئی ہے بے صدا کس سے کہوں |
| شامِ الم کی رُت میں ہے، یادوں کا جھرمٹ ہر طرف |
| کیا رات گزری ہے یہاں، سُونی فضا کس سے کہوں |
معلومات