یہاں پر تخت بکتے ہیں |
یہاں پر تاج بکتے ہیں |
یہاں جو کل نہ بکتے تھے |
یہاں وہ آج بکتے ہیں |
یہاں فرہاد بکتے ہیں |
یہاں جلاد بکتے ہیں |
یہاں بولی لگا دیکھو |
یہاں استاد بکتے ہیں |
یہاں رہبر بھی بکتے ہیں |
یہاں شاعر بھی بکتے ہیں |
یہاں سب کچھ بکاؤ ہے |
یہاں منبر بھی بکتے ہیں |
یہاں پر دین بکتے ہیں |
یہاں قانون بکتے ہیں |
یہاں ایمان سے لے کر |
یہاں آئین بکتے ہیں |
یہاں فنکار بکتے ہیں |
یہاں معمار بکتے ہیں |
کبھی بکتے نہیں تھے جو |
یہاں سالار بکتے ہیں |
معلومات