حَمــــــدِ باری تعالیٰ |
اے خُدائے پنجتنؑ اے مالکِ کون و مکاں |
میں ثنا تیری کروں میری یہ حیثیت کہاں |
واحد و یکتا فقط اک ذات تیری کبریا |
لو نہ گر تجھ سے لگائیں تو بتا جائیں کہاں |
یہ زمیں یہ آسماں اک منفرد تخلیق ہے |
ایک اک ذرہ تری عظمت کا ہے روشن نشاں |
بادشاہت ہے تِری جس جا بھی جائے یہ نظر |
ہر مکاں میں تو ہی تو ہے کہنے کو ہے لامکاں |
ہو نہیں سکتا ہے غافل ایک لمحے کو بھی تو |
غیر ممکن ہے تری یہ عظمتیں کرنا بیاں |
خاک سے عُظمؔیٰ کہاں کم تھی تمہاری حیثیت |
ربِ اکبر کےکرم سے جانتا ہے یہ جہاں |
عُظمؔیٰ زہرا |
معلومات