| مدینہ مدینہ دلوں کی سدائیں |
| غلامِ نبی چل مدینے کو جائیں |
| سدا گیت گائیں مدینے کے ہمدم |
| جو منزل ہے نوری منور ہیں راہیں |
| حرم دلربا کا فضائے مدینہ |
| ملو ساتھ گجرے درودوں کے لائیں |
| دلوں کو منور جو کرتی چمک ہے |
| سدا کرنیں اس کی مدینے سے آئیں |
| کہاں آساں رہنا ہے ہجرِ نبی میں |
| یہ پیغامِ دل ہے ہوا کو سنائیں |
| ملا ہے جو سینے کو سوزِ دروں وہ |
| نہیں درماں اس کا دہر کی دوائیں |
| ہے تریاقِ جاں یہ مدینے میں زم زم |
| گلستانِ بطحا کو گھر ہم بنائیں |
| ہے مقصودِ طالب حرم مصطفیٰ کا |
| کرو سب دعائیں نبی پھر بلائیں |
| نبی جی یہ محمود آئے مدینے |
| نمی آنکھیں اس کی جو آنسو بہائیں |
معلومات