| یہ اگر سلسلہ نہیں ہوتا |
| اُس سے پھر رابطہ نہیں ہوتا |
| جس نے خود ہاتھ سے بنایا ہو |
| وہ کبھی لاپتہ نہیں ہوتا |
| بات ہم کو ادھوری لگتی ہے |
| جب تِرا تذکرہ نہیں ہوتا |
| بات کرنے کو دل تو کرتا ہے |
| “کیا کریں حوصلہ نہیں ہوتا” |
| جانیں کیا وصل کا مزہ جن کو |
| ہجر کا تجربہ نہیں ہوتا |
| مجھ سے جاتے ہوئے کہا اس نے |
| دُور کیوں فاصلہ نہیں ہوتا |
| جن کی اونچی اُڑان ہوتی ہے |
| اُن کا کیا گھونسلہ نہیں ہوتا |
| دل میں ہوں وسوسے ہزار اگر |
| حل کوئی مسئلہ نہیں ہوتا |
| جب کسی کو دیا ہو دل پھر تو |
| عاشقی مشغلہ نہیں ہوتا |
| صاف گر دل ہوا ہو اس میں پھر |
| کِبر کا داخلہ نہیں ہوتا |
| طارق اُس کو بُھلائیں گے کیونکر |
| ہم سے یہ مرحلہ نہیں ہوتا |
معلومات