| کہہ دے بھی گر یہ زندگی اے یار الوداع |
| کہنا مگر نہ تم کبھی اے یار الوداع |
| ملنا ہے ہم کو حشر میں اے یار ایک دن |
| منزل نہیں یہ آخری اے یار الوداع |
| آۓ نہ اپنی دوستی کے بیچ میں کوئی |
| لانا نہ آنکھ میں نمی اے یار الوداع |
| اک اور عمر چاہیے پروازِ روح کو |
| کافی نہیں یہ دو گھڑی اے یار الوداع |
| کرنا معاف میری تو ساری کہی سنی |
| میں بھی تھا ایک آدمی اے یار الوداع |
| یہ جسم خاک میں تو مرا مل گیا مگر |
| زندہ ہوں بن کے روشنی اے یار الوداع |
معلومات