سمجھ کچھ نہیں آ رہی ہے مجھےتو
سمجھ گر لگے تو مجھے بھی بتانا
سنائی نہیں دے رہا ہے مجھے تو
تمہیں کچھ سنے تو مجھے بھی بتانا
دکھائی نہیں دے رہا ہے مجھے تو
تمھیں کچھ دکھے تو مجھے بھی بتانا
نہیں کچھ مرے بس میں اب لگ رہا ہے
ترے بس میں ہو کچھ مجھے بھی بتانا
یہ سارے کھلاڑی ہیں کھیلوں کے ماہر
تمہیں کچھ سجھے تو مجھے بھی بتانا
مرے دیس پر تو کھڑی ہے قیامت
تمہیں نا لگے تو مجھے بھی بتانا
یہ سارے اشارے بڑے صاف ہیں جب
تمہیں شک لگے تو مجھے بھی بتانا
مرے دیس کا کیا بنے گا مرے دل
ملے پیش گوئی مجھے بھی بتانا
مرے درد کا کوئی درماں کرے تو
بڑے شوق سے تم مجھے بھی بتانا
مسائل کا حل بھی نکالے کوئی تو
بڑے ذوق سے تم مجھے بھی بتانا
ہوا آج جو کچھ ہے اچھا نہیں ہے
کوئی اچھا بولے مجھے بھی بتانا

0
86