| تیغ چھڑا کے ہاتھ سے تُو نے قلم عطا کیا |
| حق کے لئے ہی یہ قلم لکھتا رہے مرے خدا |
| مکر و فریب کو سدا آئینہ ہے دیا دکھا |
| سچ کو سدا ہے سچ کہا جھوٹ کو ڈر رہے مرا |
| تیغ و تفنگ چھوڑ کر امن کی رہ بتائے گا |
| میرے نبی نے تو پتہ مہدی کا تھا یہی دیا |
| جگ کو پیام دے کے جب تیرا مسیح چل دیا |
| اپنے کرم سے تُو نے پھر دی ہے خلیفہ کی عطا |
| اب تُو دلوں کو کھول کر روشنی ان کو بخش دے |
| کتنے اسیرِ راہ و رسم جو ہیں یہاں ہوں اب رہا |
| ظلم کی چکّیوں میں یوں پستا رہے نہ اے خدا |
| وہ جو سمجھ رہا ہے یہ گھر سے جہاد پر چلا |
| ظلم کی حد ہوئی ہے اب کوئی نہیں تُو ہی بچا |
| ظلم کا ہاتھ روک دے اِس کو نہیں ہے کچھ حیا |
| آئیں تری طرف سبھی اس میں ہی سب کی ہے بقا |
| تیرے ہی در پہ ہوں جھکا تجھ سے کروں یہ التجا |
| ڈاکٹر طارق انور باجوہ لندن |
معلومات