| نظروں سے جو کل گزری ہے تحریر کسی کی |
| ہر سمت نظر آتی ہے تصویر کسی کی |
| وا کر گئی ہے مجھ پہ وہ ماضی کے دریچے |
| شانوں پہ گری زلفِ گرہ گیر کسی کی |
| احباب سے بھی ملتا ہوں میں عید، ٹھہر کر |
| مجھ سے ہے ابھی یاد بغلگیر کسی کی |
| وہ چاہے رہے خود یا کسی اور کو دے دے |
| دل میرا کہاں! اب ہے یہ جاگیر کسی کی |
| اک عرصہ ہوا ترکِ تعلق کیے لیکن |
| پیروں میں مرے اب بھی ہے زنجیر کسی کی |
| جب قتل ہی ہونا ہے تو کیا فرق پڑے ہے |
| بھالے ہوں کسی کے یا ہو شمشیر کسی کی |
| بدلیں گے کبھی میرے بھی حالاءت مبشر |
| تدبیر بدل سکتی ہے، تقدیر کسی کی |
معلومات