| کوئی بھیجا ہے خدا نے خود ہدایت کے لئے |
| شکر کا سجدہ ہے واجب اس عنایت کے لئے |
| اس کے در پر سر جھکانے پر سکوں ہو گا عطا |
| ہم کو جب پیدا کیا ، اس نے اطاعت کے لئے |
| تا خدا سے ہو محبّت کا تعلّق ہر گھڑی |
| اس نے سب رستے بتائے ہیں عبادت کے لئے |
| وہ شفا کر دے عطا بیمار ہو جاؤں اگر |
| بھیج دیتا ہے فرشتے وہ عیادت کے لئے |
| مصطفٰے کے دین کا کرتے ہیں دنیا میں دفاع |
| شکر کرتے ہیں خدا کا ایسی عادت کے لئے |
| نعرۂ تکبیر کی ہو گی صدا ہر سُو بلند |
| جان بھی دینی پڑی ، دیں گے ، صداقت کے لئے |
| آزمائے ہم گئے ، تاریخ ہے اس کی گواہ |
| ہر کوئی تیّار بیٹھا ہے شہادت کے لیے |
| ہم ہوئے انصار ، کر کے عہد ، اللہ سے یہی |
| اپنا تن من دھن سبھی قرباں خلافت کے لئے |
معلومات