| محبّت کی جو عادت ہو ، اسے ملنے چلے جانا |
| اگر اس سے ارادت ہو ، اسے ملنے چلے جانا |
| خدا کا نیک بندہ کوئی مل جائے غنیمت ہے |
| اسے ملنا عبادت ہو ، اسے ملنے چلے جانا |
| سفر ہوتا نظر آئے کٹھن تو مشورہ کر نے |
| اگرچہ یہ ریاضت ہو ، اسے ملنے چلے جانا |
| تمہیں مل کر وہ خوش ہو گا یقیناً مسکرائے گا |
| اگر چاہو ، عیادت ہو ، اسے ملنے چلے جانا |
| یقیں ہے ذات پر مولا کی اس کو جاننا ہو تو |
| کسی کی جب شہادت ہو ، اسے ملنے چلے جانا |
| چلیں جب آندھیاں ، طوفان آئیں ڈگمگانے کو |
| تو رہنا گر سلامت ہو ، اسے ملنے چلے جانا |
| اگر سن کر مری باتیں ، یقیں میرا نہ کر پاؤ |
| عطا جو استقامت ہو اسے ملنے چلے جانا |
| معزز دین و دنیا کے ملیں اس کو عقیدت سے |
| اُسے ملنا سعادت ہو ، اسے ملنے چلے جانا |
| کوئی چاہت ، کوئی ارماں ، کہیں حسرت نہ بن جائے |
| تمہیں کوئی بھی حاجت ہو اُسے ملنے چلے جانا |
| دعاؤں کی قبولیّت پہ اس کی ہے یقیں اتنا |
| دعا کی جب ضرورت ہو اسے ملنے چلے جانا |
| مرادیں پاؤ گے طارق جو وہ مرشد دعا دے گا |
| تمہیں جب بھی اجازت ہو اسے ملنے چلے جانا |
معلومات