| خلق نورِ یزداں سے تعمیر ہے |
| جلی اس سے جس کی یوں تصویر ہے |
| اسی سے درخشاں ہوئے دو جہاں |
| لکھی ایسے قادر نے تقدیر ہے |
| ہے عکسِ جمالِ خدا جو جمیل |
| کمی کب ہے اس میں نہ تقصیر ہے |
| وہی امرِ کن کی وجہ جو بنا |
| وہ قرآں وہ فرقاں وہ تفسیر ہے |
| نبی کے چمن کے سہانے ہیں پھول |
| نمایاں انہی میں یہ شبیر ہے |
| اسیری جو عشقِ نبی کی ملے |
| امیری سے بر تر یہ زنجیر ہے |
| بنائے یہ کوکب تمہیں ناز سے |
| جو اسمِ محمد میں تاثیر ہے |
| جمالِ دہر میں جو آئی پھبن |
| اساس اس میں آقا سے تنویر ہے |
| وہ ساحل پہ بیڑا ضرور آئے گا |
| فراقِ نبی میں جو دل گیر ہے |
| گواہی دیں پتھر جو مٹھی میں ہیں |
| عُلیٰ فیضِ حق سے یہ تکبیر ہے |
| بہانہ یہ یادِ نبی کا ہے سب |
| جو نادار کے ہاتھوں تحریر ہے |
| لحد میں جو ہو گا حسیں کا ورود |
| کہوں گا میں سپنوں میں تعبیر ہے |
| ہیں محمود بردے نبی کے سوا |
| ملی جن کو قادر سے شمشیر ہے |
معلومات