| اب کس کو حال دل کا بتایا کرے کوئی |
| جب ایسے یاد آ کے ستایا کرے کوئی |
| وہ آگئے ہیں اب تو ذرا کھل کے سامنے |
| سپنوں سے دل کو اپنے سجایا کرے کوئی |
| چھلنی ہوئی ہے روح اسے دُکھ میں دیکھ کر |
| ایسے میں غم کو میرے بھلایا کرے کوئی |
| اس کا مطالبہ ہے فقط ایک بات کا |
| وہ روٹھ جائے گر تو منایا کرے کوئی |
| حسن و جمالِ یار کا بھی ذکر خوب ہے |
| میں گیت اس کے لکھوں تو گایا کرے کوئی |
| آنکھیں بچھا کے رکھی ہیں میں نے تو راہ میں |
| مہمان بن کے گھر میں تو آیا کرے کوئی |
| دیکھا مجھے تو دشمنِ جاں نے بھی یہ کہا |
| بیٹھا ہے کب سے دھوپ میں سایہ کرے کوئی |
| حیوان بھی تو رکھتے ہیں اپنا سبھی خیال |
| غم اپنے دوستوں کا بھی کھایا کرے کوئی |
| جب اختیار ان کا ہے تو مان لیجئے |
| شکوہ زبان پر تو نہ لایا کرے کوئی |
| خود کو یونہی نہ ڈالئے اب امتحان میں |
| ادراک اپنا آپ بھی پایا کرے کوئی |
| طارق قریب دل کے وہی شخص جانیے |
| یادوں میں آئے جب تو رُلایا کرے کوئی |
معلومات