| قدم قدم پہ یہاں پر کیوں جال رکھا ہے |
| ہر ایک لب پہ یہاں یہ سوال رکھا ہے |
| امیرِ شہر پہ بے انت رحمتیں برسیں |
| غریبِ شہر کو کیوں پائمال رکھا ہے |
| نہ مہر ہے نہ محبت نہ ہی وفا نہ گلہ |
| لہو کا رنگ نجانے کیوں لال رکھا ہے |
| دیا شعور تو پھر لا شعور ناں دیتا |
| بنا کے سب کو یہاں یرغمال رکھا ہے |
| سزا چنی ہے بغاوت کی میں نے خود سے ہی |
| کہ خود کو خود سے ہی میں نے نکال رکھا ہے |
| سبق غلط ہوا تاریخ کا یہاں شاہدؔ |
| ہر اک زوال کے آگے زوال رکھا ہے |
معلومات